Agjencia gjermane e sigurisë kibernetike tha se pretendimet se Huawei spiunonte klientët e saj nuk mbështeteshin nga asnjë provë dhe bëri thirrje për kujdes kundër një bojkoti të mundshëm të gjigantit kinez të telekomit. “Për vendime aq serioze sa ndalimi, ju duhen prova,Arne Schoenbohm, drejtor i Zyrës Federale Gjermane për Sigurinë e Informacionit (BSI), tha për të përjavshmen Der Speigel. Huawei përballet me akuza se është i lidhur me shërbimet sekrete të Kinës dhe vende të tilla si Shtetet e Bashkuara, Australia dhe Zelanda e Re e kanë përjashtuar tashmë kompaninë nga pjesëmarrja në ndërtimin e rrjeteve 5G. Sipas Der Spiegel, Shtetet e Bashkuara po inkurajojnë vendet e tjera, përfshirë Gjermaninë, të bëjnë të njëjtën gjë.
Nuk ka asnjë provë
Në mars, Arne Schenbohm i tha kompanisë së telekomunikacionit Telekom se "aktualisht nuk ka gjetje përfundimtare”, i cili do të konfirmonte paralajmërimet e shërbimeve sekrete amerikane në lidhje me Huawei. Operatorët kryesorë celularë në Gjermani, Vodafone, Telekom dhe Telefónica përdorin të gjithë pajisjet Huawei në rrjetet e tyre. BSI ka testuar pajisjet Huawei dhe ka vizituar laboratorin e sigurisë së kompanisë në Bon, dhe Arne Schoenbohm thotë se nuk ka asnjë provë që kompania po përdor produktet e saj për të marrë informacione të ndjeshme.
Huawei gjithashtu i mohon këto akuza. “Nuk na është kërkuar askund që të instalojmë një backdoor të krijuar për të marrë informacione të ndjeshme. Nuk ka asnjë ligj që na detyron ta bëjmë këtë, ne nuk e kemi bërë kurrë dhe nuk do ta bëjmë.” tha një zëdhënës i kompanisë.
Huawei është prodhuesi i dytë më i madh në botë i smartfonëve dhe agjencitë e sigurisë thonë se prania e kompanisë në Perëndim përbën një kërcënim sigurie. Japonia, pas bisedimeve me Shtetet e Bashkuara, njoftoi javën e kaluar se po ndalonte blerjet qeveritare të pajisjeve nga Huawei. Mbretëria e Bashkuar është i vetmi vend Five Eyes që vazhdon të lejojë pajisjet Huawei në rrjetet e saj 5G. Pas një takimi me Qendrën e Sigurisë Kibernetike javën e kaluar, Huawei u zotua të bëjë disa përmirësime teknike në mënyrë që përdorimi i produkteve të saj të mos ndalohet.
